Farûqê Feroyî – ROJA JİYANA ME

ROJA JİYANA ME

Rojê serî bilind kir
ronahî da nas û dostan
Li Rojhilatanavîn
warê şêr û mêrxasan

Bilind bû Roja şêrîn
sitara keç û xortan
Bi tîna xwe germ kir
deriya êş û eleman

ROjÊ bi ronahiya xwe vekir
ew çavên girtî
Germ kir bi tîrêjên xwe
ew dilên qerisandî

Vekir bi zeraya xwe
ew rengên çilmisandî
Bi keda xwe mezin kir
vî gelê çewisandî

Rojê xak perçivand
bi şewq û şemala xwe
Li ser çand gul û sosin
bi hewldana xwe

Her saet ew avdan
bi xwîn û xwêdana xwe
Her tim ew parastin
bi aram û evîna xwe

 

Kêmasiyên rêhevaltî û kesayetiya me
Pêşî girt li pêşveçûn û şoreşgeriya me
Ew kesayetî bû sedema dîlketina ROJA me
Nehişt em bibin xwedî Jİyaneke serbixwe

4’ê Gulana 2000’an
Girtîgeha Konya’yê
Farûqê Feroyî
(Ji pirtûka; Min Navê Te Li Ser Dîwarê Dilê Xwe Kola)

Parveke

Lämna ett svar

Din e-postadress kommer inte publiceras. Obligatoriska fält är märkta *